থৌবাল দিষ্ট্রিক্টনা নোংপোক থংবা মণিপুর তম্পাকী অয়াম্বা শরুক কল্লি। মসি 24°30’24.688″ N তগী 24°43’16.689″ N লেটিটুঠ অমসুং 93°53’17.016″ E তগী 93°53’18.118″ E লঙ্গিচুডি কী শরুক্তা লৈ। দিষ্ট্রিক্ট অসিগী অৱাং-নোংচুপ্তা ইম্ফাল ৱেস্ট, অৱাং-নোংপোক্তনা কাংপোকপী অমসুং তেংনৌপল দিষ্ট্রিক্ট অদুগা খাদনা ক্কচিং দিষ্ট্রিক্ট লৈ। সমুদ্রাগী ইমাইদগী মসিনা ৱাংবসি লেমহৌরিবা তম্পাক্কী মফমশিংদগী য়াম্না খেৎনদনা ৭৯০ মিঃ ওই। থৌবাল অসি তম্পাক্কী শরুক ওইজরবসু, দিষ্ট্রিক্টকী মফম পুম্নামক তম্পাক ওইদে। তুরেল কয়ামরুম দিষ্ট্রিক্ট অসি ফাওরগা চেল্লি অমসুং পাৎ কয়ামরুমসু লৈ। পাৎ খরা অমদি মমাংঙৈগী ফুঙ্গা ৱারীগা মরি য়াম্না লৈনৈ। মদুগী মনুংদা খম্বা-থোইবিগী নুংশি ৱারিদা ঙা ফাবা চৎপানচিংবাগী ৱারি য়াওই। তশেংনা হাইরবদা লোক্তাক নত্তনা অয়াম্বা পাৎতি দিষ্ট্রিক্ট অসিদা লৈ। মণিপুর স্টেট গোর্ভমেন্টনা পাৎশিং অসি লিঝদা পুথোকলগা চহিগী য়াম্না পীকপা ইন্কম খরা তামলই। মমাংঙৈগী অরিবা ইতিহাস য়াম্না খংদ্রাসু য়াম্না কুইদ্রিঙৈগী মমাংদা ঈ-নাই তান্না লান খরা থোকনখি। পন্বা য়াবদি খোংজোম লাননি। দিষ্ট্রিক্ট অসি ফাওরগা এসিয়ান হায়ৱে এনআইচ-১ চালগা মেনমার(ব্রামা) মোরে ফাওরগা তাই। হাইরিবা লম্বী অসি মণিপুরগী নিংখা তমদ্রিঙৈ মমাংদা মণিপুরনা ব্রামাদা অদুগা ব্রামানা মণিপুরদা ,ইকোন কোন্না ব্রিটিশ লালমীনা লানজংবদা শিজিনরমই।
মসিগী দিষ্ট্রিক্ট অসিদনি মণিপুরগী নিং-খা তম্বাগী লান শোক ১৯৮১ ইং গী এপ্রিলগী তাং ২৩দা খোংজোমদা মণিপুরগী খুৎলাই মতিক চানা পাইদবা লান্মীশীংগা লান থেংনখি মসিগী লান অসিদা থৌনা ফরবা পাওনা ব্রাজবসি অমসুং মহাক্কা লোয়নবা লান্মীশিংনা মথৱাই মমা লৈবাক্কীদমক্তা কৎখিবা লানফম অদুদা শিরনি/মাইথিরনি খংলফাওবা হনবা লৈত্তনা লান শোক্নরগা মথৱাইনা পোন্থা ওইখি হায়দুনা অথৌবা মণিপুরীশিংনি হাইনা ঙসিফাওবা শিংথানরি। মমাংঙৈদা থোকখিবা নেচরেল কেলামিটি শিংদা পনবা য়বদি শোক ১৯৩১ ইংদা থোকখিবা কোইলেরা ইপিদরমিক নি মদুদা তম্পাকী অয়াম্বা শরুক্তা পাক শন্না মীয়ামদা শোকহনখি থৌবাল দিষ্ট্রিক্টসু য়াওখি। দিষ্ট্রিক্ট অসি শোক ১৯৮৩ ইংগী মেগী তাং ২৪দা মণিপুর গোর্ভরমেন্টনা নোটিফিকেসন অমা থোক্লাগা শেমখি। হাইরিবা নোটিফিকেসন অদুগা মণিপুর সেনট্রেন দিষ্ট্রিক্টকী থৌবাল সব-দিভিজন লৌথোক্লগা মপুং ফাবা দিষ্ট্রিক্ট অমা ওইহনখি। অনৌবা দিষ্ট্রিক্ট অসিগী হেড ক্বাতরনা থৌবালদা ওইখি।
থৌবাল দিষ্ট্রিক্ট অসিদা চাওখৎ থৌরাংগীদমক ব্লোক অহুম থোক্না খাইদোকই মখোইদুদি ১) লিলোং ২) থৌবাল অমসুং ৩) ৱাংজিং তেন্থানি, মসিদা তাউন ৬ লৈ মদুদি লিলোং(থৌবাল), থৌবাল, য়াইরিপোক, শিখোং সেকমাই, ৱাংজিং লমদিং, অমসুং হৈরোক মিনুসিপালিটিনি।