শেনমিৎলোন

লৌউ-শিংউবনা ডিষ্ট্রিক্ট অসিগী মরুওইবা শিনফম ওই। ডিষ্ট্রিক্ট অসিগী মীওই 70%গী মথক্তা লৌউ-শিংউবগী থবক্তা হকথেংননা নত্রগা নকোইননা শরুক য়াই। ডিষ্ট্রিক্ট অসি মহৌশাগী ওইনা লৈবাক লৈহাও ফৈ। মহৌশা অমশুং খুৎশেমগী মতেংনা ঈশিংগী অৱাবা লৈতে। ডিষ্ট্রিক্ট অসিগী লম 90%দি ফৌ থাই। ইম্ফাল বেরেজকী মতেংদগী লৌরোক অনীরক পাক-শন্না উনৈ।

মফম খরদদি অনিরক ফাওবা হোৎনৈ। অহান্বা লৌউবগী থাসি ফেব্রুৱারী দগী মার্চ ফাওবা ওই। অনীরক শুবা লৌউবনা জুলাই অমশুং অগাস্ট ফাওবদা হোৎনৈ। অদুগা অহুমশুবা লৌরোক্না নভেম্বর থাদা মনা-মশিং হৱাইনচিংবা থানৈ। চু, চুজাক, অলু, মোরোক, হৱাইনচিংবা মরুওইবা পোৎথোকনি। ডিষ্ট্রিক্ট অসি চু মরাং কাইনা থাই। মরুওইনা ৱাংজিং, হৈরোক অমশুং খোংজোমদা থানৈ। থাও হঙ্গাম ডিষ্ট্রিক্ট মশা পুম্বদা থাই। নুমীৎলৈসু পুথোকপা হৌনরে।মনা-মশিংদা কোবী, কোবীলৈ, হৱাই মখল কয়া, খোংদ্রুম, মাইরেলনচিংবা পাক-শন্না থাই। শেন্থোক লৈবা পোৎথোক ওইনা কিহোম অসি চীংয়া-তময়াদা পাক-শন্না থাই। মরুওইনা ৱাইথৌ অমশুং শারম চীং অসি কিহোম য়াম্না থাই।

অতোপ্পা ইনকম মরাং কাইনা লাক্নবা সেক্টর দি শা -ঙা নি। মরুওইবা পোৎথোকশিংদি ষন, ইরোই, হমেং, ওক, হুইনচিংবা লোইবনি। ডিষ্ট্রিক্টসিদা শঙ্গোমগী পোৎথোকসু পন্বা য়াবা মওংদা চাওখৎলক্লি। মরুওইনা অফবা শঙ্গোম য়াম্না থোকপা ষনশিং য়োক্তুনা শঙ্গোম য়াম্না পুথোকপগা লোয়ননা মশানা মশাবু থবক পীজনবা য়েন অমশুং ওক লোইবগী থবক তৌনৈ। ডিষ্ট্রিক্ট অসিদা কৌনাগী পোৎথোক পুথোকপা হায়বদি ফক, মোরা, চৌক্রী, খুৎকী খাও মচা, মোনপাক অমশুং অতোপ্পা মখল-মখা কয়া পুথোক্তুনা খুত -সা  হৈবগীদমক খাঙবোক অসি মমিং চৎলি।

ঙা য়োকপসু ডিষ্ট্রিক্ট অসিগী শেল-থুমদা য়াম্না চাওনা মতেং পাংই। ডিষ্ট্রিক্ট অসিগী মীওই কয়ামরুমসু ঙা য়োকপনা শিনফম ওই। ঙা য়োকপগী থবক অসি তেন্থা, লৈশাংথেম, ৱাইথৌ, খাঙবোক অমদি ইরোংনচিংবা অসি ডিষ্ট্রিক্ট অসিগী মরুওইবা মফম্নি।