সি এম গী হকশেলগী তেংবাং

চিফ মিনিষ্টরগী হকশেলগী তেংবাংদা চাউরাকপা মীৎয়েং (CMHT)

চিফ মিনিষ্টরগী হকশেলগী তেংবাং অসি মণিপুর লৈঙাক্না পায়খৎপা মীয়ামদা থাজবা পীবা হকশেলগী স্কিম অমনি। স্কিম অসিনা SECC গী মনুং চনবা লায়রবগী পন্খৈ মখাদা লৈবা ইমুংগী মীওইশিংনা খনগৎলবা অনা লাইয়েংশিংদা লূপা লাক্ষ অনি ফাওবা শেল তিংদনা লাইয়েংবা য়াহল্লি।

চীফ মিনিষ্টরগী হকশেলগী টেংবাং(CMHT) গী পান্দমশিং

স্কিম অসিনা খনগৎলবা অনা লাইয়েংশঙশিংদা মখাদা পীরিবা অরুবা লায়না ৭সিগী প্রাইমারি অমদি সেকেণ্ডরি থাক্কী লাইয়েংশিং ফংহল্লি:

• কার্ডিওভাস্কুলার(থম্মোয়গী)লায়নাশিং
• কেন্সর
• কিডনিগী লায়নাশিং
• পোকপদা ঙায়রিবা অঙাংগী লায়নাশিং
• ন্যুরোগা মরী লৈনবা লায়নাশিং
• মৈনা চাকপা
• লিভরগী লায়নাশিং

স্কিম অসিগী মখাদা ডিষ্ট্রিক্ট হোস্পিটালশিং, কম্যুনিতি হেল্ঠ সেন্টরশিং অমদি খনগৎলবা হোস্পিটালশিংদা অনা লাইয়েংগী খুদোংচাবা ফংহল্লি।

স্কিম অসিগী মখাদা কান্নবা ফংবা য়াবা মীওইশিং

SECCগী ডাতাগী মতুং ইন্না লায়রবা অমদিকান্নবা ফংবা য়াবা মীওইনি হয়ন শক খঙলব মীওইশিং
লুখ্রাবী, হকচাংগী ফিভম শোইনাইরবশিং অমদি AAYগী কার্ড পায়বা মীওইশিংনা স্কিম অসিদগী কান্নবা ফংগনি

মিং চনবা অমদি কার্ড পীবা

স্কিম অসি ফংবা য়ারবা ইমুংশিংদু স্কিম অসি পায়খৎত্রিঙৈগী নোংমা নিনিগী মাঙওইননা আশাগী খূৎথাঙদা স্কিম অসিদা মিং চনশিনগনি।
স্কিম অসি ফংবা য়ারবা ইমুংশিংনা CMHT ইমুং অমগী তোপ তোপ্পা শকখঙলবা নম্বর য়াওবা কার্ড অমা ফংগনি।
কার্ড অমদা ইমুং অমগী মীওই মঙাগী মমিং য়াওগনি। মীওই মঙা হেল্লবদি অহেনবা মমিংশিংদু থংনবা লামায়দা ইগনি (খূদম ওইনা ২ হেনবা,১ হেনবা নত্ত্রগা ৩ হেনবা অসুম্না)।

মিংজন শেল

কার্ড অসিগী মমল ওইনা ইমুং অমদগী লূপা ৫০ লৌগনি। AAY, শোইনাইরবা মীওইশিং অমদি লুখ্রাবীশিংগীদি মিংজনশেল লৌরোই।

মিং চনবদা চঙ্গদবা চে চাংশিং

শক্তাক খূদম: অশেংবা EPIC(ভোত্তর ওইবগী শক্তাক চে/পান কার্ড/গাড়ী থৌবগী লাইসেন্স/রেসন কার্ড/পাসপোর্ট/লৈঙাক্না পীবা শক্তাক চে/ শকখঙলবা মহৈ-মশিংগী ইন্সটিট্যুটনা পীবা শক্তাক চে/ আধার নম্বর হায়রিবশিং অসিগী মরক্তা অমনা হেক্তা শক্তাক চে ওইবা য়াই।

স্কিম অসি ফংবা য়ারে হায়বগী খূদম : SECC না ফংবা য়ারে হায়না শকখঙলবা AAY কার্দ পায়বা / শোইনাইরে হায়বগী সার্টিফিকেট পায়বা/ SECC গী ডাতাবেজদা মিং চলহৌদবা ইমুং ওইরবদি শেল থুমগি ফিভম শোত্থরে হায়না ডিপুতি কমিস্নারনা পীবা সার্টিফিকেট পায়বা/মনিপুর লৈঙাক্না য়ারবা চে চাং অমা হেক্তা পায়বা হায়রিবশিং অসিগী মনুংদা অমা হেক পায়বদা স্কিম অসি ফংবদা মতীক চারে।
আধার নম্বর : স্কিম অসিদা মিং চন্নবগীদমক আধার নম্বর তঙাইফদনা চংঙী অমদি আধার কার্ডকী কোপি অমা হাপকনি। স্কিম অসিদা মিং চন্নবগীদমক য়ামদ্রবদা ইমুংগী মকোক থোংবা মীওই নত্ত্রগা ইমুংগী মীওই অমগী আধারগী চে চাং চংঙী। কনাগুম্বা আধার কার্ড পায়দবা মীওই অমনা স্কিম অসিদগী কান্নবা ফংবা পাম্লবদি মহাক হান্না আধার চনশিল্লগা আধার এপ্লিকেসন নম্বর অমদি কন্সেন্ট ফোর্ম হাপ্পিগদবনি।
অতোপ্পা চে চাংশিং: মণিপুর লৈঙাক্না পীবা চে চাংশিং হা্প্পা য়াই।

স্কিম অসিদগী ফংগদবা কান্নবশিং

সি এম ঐচ টি – মণিপুর হেল্ঠ কার্ড উৎলগা বেনিফিসরি অমনা শেল তিংদনা অরুবা লায়না নত্তবদা লুপা ৫০,০০০ ফাওবা ,অরুবা লায়না তরেৎকীনা ২,০০,০০০ ফাওবগী চাংদা লেম্না লাইয়েংবা য়াগনি। স্কিম অসিনা কোনশিল্লিবা ইমুং অমগী মীওই অমা হেক্তা নারকপা মতমদা কান্নবা অসি লৌবা য়াই। ইমুং অমনা অপূনবদা চহী অমদা লুপা লাখ ২ ফাওবগী লেম্না লাইয়েংবা য়াগনি। কান্নবা অসি অনা লাইয়েংশঙদা লাইয়েংবখক্তংদা ওইগদবনি। অনা লাইয়েংগী চত্থোক চৎশিন অমদি নোংমগী এলাৱেন্সশিংসু স্কিম অসিনা কোনশিল্লি।

ইমুং অমনা খ্বাইদগী চাউনা ফংবা য়াবা লুপা লাখ ২গী মনুংদা লুপা ৫০,০০০ দি অহানবা অমদি অনিশুবা তাঙ্কক্কী লাইয়েংগীদমক লৌবা য়াগনি। খনগৎলবা অরুবা লায়না তরেৎকীদমক্তদি ইমুং অমনা চহী অমদা অনা লাইয়েংগী চত্থোক চৎশিন অমদি নোংমগী এলাৱেন্সকা লোয়ননা লাখ ২গী শেনফম ফংবা য়াগনি।

ষ্টেট মনুংদা লাইয়েংবগীদমক অনা লাইয়েংশঙদা চত্থোক চৎশিনগী ওইনা অমুক চৎপদা লুপা ৩০০ ফংগনি। মসি ইমুং অমনা খ্বাইদগী চাউনা ফংবা য়াবা লুপা লাখ ২গী মনুং চন্না লুপা ৩০০০ ফাওবা ফংবা য়াই।

স্কিম অসিনা মপান লমদা লাইয়েংবগীদমক বেনিফিসরি অদুগী মথক্তা সেবারি অমগী নোংথক অমদি ত্রেনগি চত্থোক চৎশিনগী শেনফমসু পীরি। মসিদসু অপূনবা শেনফম লুপা লাখ ২গী মনুং চন্না চহী অমদা লুপা ৩০,০০০ ফাওবা ফংবা য়াই।

মপান লমদা লাইয়েংবগীদমক অনা লাইয়েং চত্থরিঙৈগী মনুংদা নোংমদা লুপা ১০০০ ফংবসিনা লুপা ১০,০০০ ফাওবা ফংবা য়াই। মসিসু চহীগী ওইনা ফংগদবা শেনফম লুপা লাখ ২গী মনুং চল্লী।

খনগৎলবা অনা লাইয়েংশঙশিং

কম্ম্যুনিটি হেল্ঠ সেন্তরশিং, সব ডিষ্ট্রিক্ট হোস্পিতালশিং, ডিষ্ট্রিক্ট হোস্পিতালশিং, রিমস, জেনিমস অমদি অতৈ খনগৎলবা অনা লাইয়েংশঙশিং খরসু সি এম ঐচ টি মনিপুর স্কিমগী মনুং চল্লী। ষ্টেট মনুংদা লাইয়েংবগীদমক অহানবা তাঙ্কককী ওইনা অনা লাইয়েংশঙদা চনবা চন্দবগী মতুং ইন্না অমদি লাইয়েং মখলগী মতুংইন্না বেনিফিসরি অদুনা অনা লাইয়েংশঙ খঞ্জবা য়াই। মপান লমদা লাইয়েংনবগীদমক মফমসিগী অনা লাইয়েংশঙনা থাবিবা চংঙী। মসিগীদমক হেল্ঠ ডিরেক্টোরেটকী মকোক থোংবশিংনা অয়াবা পীরগা চৎকদবনি। মসিগী মতাংদা ষ্টেট নোডেল সেলনা মতমগী মতুংইন্না মরীক চূম্বা লমজিং লমতাক পীবা চেরোল থোরক্কনি। মসিনা আই এস এ (ইম্প্লিমেন্টেসন সপ্পোর্ট এজেন্সি)বু বেনিফিসরিনা মপাল লমদা চৎপা অমদি অনা লায়েংগী থৌরাংশিং শীনবা য়াহল্লি। অদুমকপু অথু অকাইগী মতাংদদি ষ্টেট নোডেল সেলনা থোকলকপা চেরোলগী মতুং ইন্না হায়রিবা থৌওংশিং অসি কান্থোকপা য়াহল্লি।

খনগৎলবা অনা লাইয়েংশঙশিংদা মথৌ তৌনবগীদমক আই এস এ না খল্লবা “হেল্ঠ কোর্ডিনেটর” শিংনা বেনিফিসরিশিংবু ষ্টেট মনুংদা লাইয়েংবদা চঙবা মচাকশিং খুদম ওইনা স্কিমসিগী মনুং চন্না বেনিফিসরি অমনা ফংবা য়াবা শেনফমশিং ফংহনবগা লোয়ননা অনা লাইয়েংশঙদা মিং চনবদগী হৌনা য়ূমদা হনখিবা ফাওবগী মতাংদা লমজিং লমতাক পী।

বেনিফিশ্যারি:

(১) হার্ট (২) কীডনী (৩) ন্যীউরোলোজি (৪) লীভর (৫) কেন্সর (৬) ন্যীও-নাটাল (৭) মৈনা চাকপা হায়রিবা অনাবশিং লৈবা মেওইসিং

বেনেফিটস:

চহী অমদা লুপা লাক্ষ অনী (২) ফাওবা সরকারনা সোসিও ইকোনোমিক্স অমসুং কাস্ট সেন্সসকী মখাদা লৈবা ইমুংশিংদা মতেং পীরি