শা-ঙাগী ওইবা

ভেটনরি অমশুং এনিমেল হসবেন্দরী ডিপার্টমেন্ট, থৌবাল ডিষ্ট্রিক্ট

ঐখোয়গী থৌবাল ডিষ্ট্রিক্ট অসিদা য়ুমদা য়োকপা য়ুমশাশিং অসি মখল অয়াম্বা ফংই হায়বা য়াই, মরুওইনা ষন, ইরোই, হমেং, ওক, শগোল, হুই অমশুং ঙানু-য়েন্নচিংবনি।

    1. ষন-ইরোইশিং অসিনা মরুওইনা ঐখোয়না থবক শুনবগী অমসুং শঙ্গোম পুথোক্নবগীদমক্তা য়োক্নৈ। ষন লাবনা লোবুক অমশুং ইংখোন্দা শম্পোৎ খোইদুনা, উকাই তক্তুনা অমদি গড়ী চিংদুনা ফার্মারশিংদা শেল-থুমগী ফিভমদা য়াম্না চাওনা কান্নবা ফংহল্লি। ষন অমোমশিংনা শঙ্গোম পুথোকপা অমদি থবক শুবদা শিজিন্নবা অমশুং মচা ধরা পুথোক্তুনা সমাজ অসিগী সোসিও-ইকোনোমিক্স , শেল-থুমগী ফিভমদা য়াম্না চাওনা মতেং পাংই। হৌজিক্তি শঙ্গোম হায়বা পোৎশকসি মীওইবগী হকচাং ফনা থম্বগীদমক খ্বাইদগী মচি ওইবা চঙদ্রবা য়াদ্রবা য়াম্না কান্নরবা চিঞ্জাক অমসু ওইরে। লোয়ন-লোয়ন্না ডিপার্টমেন্ট (ভিভাক) অসিনা হেন্না চাথোক লৈনবগীদমক ঐখোয়গী হান্না লৈজরম্বা ষন অমোমশিং অসিদা মপান লমদগী অফবা ধারাগী মরু মচাশিং পুরক্লগা খুৎশেমগী পম্বৈনা কাপশিন্দুনা অফবা মচা ধারা লৌবগী থবক হুজিক-হুজিকসু মায় পাক্না চৎথরি।
    2. ওক, হমেং, য়াউঃ- হায়রিবা শা মখলশিং অসিদি মীওইবগী চীঞ্জাক ওইনা চাননবগীদমক্তা য়োক্নৈ। ডিষ্ট্রিক্ট অসিদা য়াওগী মশিং খরা হন্থরবসু ওক অমদি হমেং মরাং-কাইনা ফংহন্দুনা ঙসিগী সমাজ অসিদা মতিক চানা চাননবগীদমক ফংহন্দুনা সমাজদা শেল-থুমগী ফিভমদা চাউনা কান্নবা ফংহল্লি।
    3. য়েন অমসুং ঙানুঃ- য়েন অমদি ঙানু অসিসু ডিষ্ট্রিক্ট অসিদা মরাং কাইনা ফংই। ফার্মার খুদিংমক্না মানা-মানা পাম্বা মওংদা মরুম চাননবগীদমক্তা ১দি মশা চাননবগীদমক্তা য়োক্নৈ। ডিষ্ট্রিক্ট অসিগী ফার্মারশিংনা অরায়বা মওংদা ফার্ম মচা-মচা তৌদুনা পোত্থোক য়াম্না পুথোক্নবা হোৎনৈ।
    4. শগোলঃ- ডিষ্ট্রিক্ট অসিদা মণিপুরগী ওইনা পীকতক তৌবা পোনি হায়না খঙনবা শগোল, মতম অমদা শা-লান্দা শিজিন্নরম্বা হুজিক্না শগোল কাঙজৈ শান্নবদা শিজিন্নরিবা শা মখল অসিসু ডিষ্ট্রিক্ট অসিগী মফম খরদা ফংই।
    5. ভেটনরি হোসপিতাল অমসুং দিসপেনসরীঃ- ডিষ্ট্রিক্ট অসিদা অপুনবা ভেটনরি হোসপিতাল নিপাল (৮) অমশুং দিসপেনসরী কুন্নিথোই (২২) লৈদুনা মথক্তা পঞ্জখ্রিবা য়ুমশাশিং অসি নাবা-য়েক্লকপা মতমদা, মতম-মতমগী ওইবা টিকা থাদোকপা অমদি অনাবা য়াওরক্লগনা মদুগী চপ-চাবা হিদাক-লাংথক পীদুনা লয়েংবগী থবক তৌজরি।

স্কীম অমশুং বিনিফিত –

শা-ষনশিংদা ভেক্সিনেসন তৌবা, অফবা মপাশাগী মরু মচা কাপ্পা অমদি লয়েংবা নত্তনা ডিপার্টমেন্ট অসিগী অকক্নবা স্কীম থোইদোকপা লৈতে। মতম-মতমদুগী মতুংইন্না সরকারনা লেপ্লকপা ফিভমগী মতুংইন্না  শঙ্গোম থোকপী ষনবী , ইরোইনচিংবসু অদুমক পীবা য়াওই।  করিগুম্বদা ওক , য়েণ ঙানু , ষনবী , ইরোইনচিংবা লোইবাগী মাকোন সাবগী স্কীমসু লৈতবদি নত্তে। চহী খুদিংগী শোইদনা শঙ্গোম থোকপী ষনবী, ইরোই, ওক লোইবা, য়েণ ঙানু গী স্কীম পীবগী ৱাফমদি লৈতে।

হাও তু এপ্লাই  –

করীগুম্বদা চহীসিমদি স্কীম অমা সরকারনা পীবিরক্লবদি মাঙজৌননা খঙহন্দুনা তৌদুনা প্রজা মীয়ামদা খঙহল্লি অমশুং জোইন্ট ডিরেক্টর, ডিষ্ট্রিক্ট ভেটিনরি ওফিস, থৌবালদা লাক্লগা তান্নবীরনবা প্রজা মীয়ামদা খংহঞ্জরি।

কে এস এচ শ্যামজাই সিংহ
জয়ন্ত ডিরেক্টর ডিষ্ট্রিক্ট ভেটিনরি ওফিস, থৌবাল